Bilvandring er eit nytt og spennande omgrep og tilbod til dei som vil ha ein meir innhaldsrik tur og større naturoppleving enn berre utsikta frå bilen. Som vil kombinera bilturen med godt tilrettelagte, merka, passeleg lange og interessante fotturar.

Ved hjelp av spesielle turark med kartskisser og informative tekstar for både bilturane og fotturane, kan du på ein enkel måte finna fram. På turarket for bilturen (rundturane) er utgangspunktet for fotturane merka av. Fotturane startar og endar der ein kan parkera bilen., og turane tar frå 1 til 3 timar med normal gange. Rutene er godt merka, og saman med kartskissa og teksten på turarket er det lett å finna vegen.

Kjøp Turarka:

Her finner du informasjon om hvor du får kjøpt turaka.

Dei foreslåtte rundturane er basert på bruk av eigen bil. Dei vil variera av lengde og reisetid, alt etter dei geografiske tilhøva. Turane er ikkje lenger enn at dei skal kunna gjennomførast som ein rimeleg dagstur. Reisetida er sjølvsagt avhengig av tid til fotturar og andre stopp.

Vil ein bruka meir enn ein dag på turen, er det gode og varierte overnattingstilbod å finna. Sjølv om reiseruta og omtalen av den tar utgangspunkt ein bestemt stad, kan ein kopla seg inn på ruta der det er mest naturleg. Ein kan gjennomføra berre ein del av turen, eller kopla saman to eller fleire turar.
Tur 11. Tysnes

Ein tur rundt øya Tysnes, gjennom eit frodig og variert landskap, i hjarta av Sunnhordland.

  Tysnes Kommune : ein øykommune som ligg der Hardangerfjorden møter skjergarden og havet utanfor. Dei ytre delane av øya Reksteren ligg med blankskurte svaberg mot Selbjørnfjorden, medan austsida av Tysnesøya har det karakteristiske Hardangerlandskapet med stupbratte fjellsider og frodig vegetasjon. Mellom desse ytterpunkta finst ein stor skjergard og eit flott fjellområde med toppar aver 750 meter.

 Rundtur Tysnes

Klikk på kartet for fotturar!
Tur 12. Stordøya - Fitjar og Stord.

Ein tur i nake kyst- og fjellandskap; vide skogar med vatn og elvar, lune viker og spennande skjergard; frodige bygder, småby og strandstad.

 

  Stord Kommune : har eit folketal på omlag 16.000. Offshore-retta industri er viktigaste næringsvegen med fleire tusen arbeidsplassar. Skulesenter og regionsenter for Sunnhordaland med eit breitt spekter av serviceversemder. Rikt planteliv og variert berggrunn. Kristtorn som veks villig og fritt, er motiv i kommunevåpenet. Stord fekk bystatus i 1997.

 

 Stord

Klikk på kartet for fotturar!
  Fitjar Kommune : utgjer nordre delen av Stordøya  og ei rad mindre øyar. Kommunesenteret er Fitjarsjøen. Der låg eingong kongsgarden til Harald håfagre, strategisk plassert mot Selbjørnsfjorden. Der kjempa Håkon den Gode mot Eirikssønene i året 961, og fekk banesåret. Gullhjelmen, som segna seier at kongen bar, går att i kommunevåpenet.

Klikk på kartet for fotturar!
Tur 13.  Bømlo

Ein rundtur gjennom heile øyriket Bømlo kan krevja meir enn ein dag. Ein må difor velja ut kva ein vil sjå og laga sin eigen tur ut frå reiserute, avstander og stader ein vil vitja. Og så kan ein sjølvsagt bruka 2 dagar.

 

  Bømlo  Kommune : er eit øyrike med omlag 10.500 innbyggjarar. Her har vore busetting sidan steinaldaren. folket har til alle tider vore knytt til sjøen. I dag er det skipsfart, fiske, fiskeoppdrett og høgteknologiske verksemder knytt til det maritime miljø som pregar næringslivet.

Klikk på kartet for fotturar!.

Kjøp turarka her.

 
Tur 14.  Sveio - Sunnhordland

Ein rundtur gjennom Sveio fører ein gjennom eit skiftande landskap med fjell, skog og hei, små og større vatn, lune vikar og holmar ut mot havet, vekslande med eit vakkert kulturlandskap.

 

Sveio Kommune : ei halvøy lengst sør i Hordaland, med landfast grense til kommunane Haugesund og Tysvær. Hovudferdsleåra på Vestlandet - Kyststamvegen - går gjennom kommunen. Den lange kystlinja har alltid gjeve sveibuen ein sterk tilknytning til sjøen. I dag er det lite att av det tradisjonelle kystfisket. No har oppdrett og vidareforedling av fisk teke over. Landbruk er og ein viktig næringsveg i kommunen. 

 

Klikk på kartet for fotturar!

Kjøp turarka her.

Tur 17. Kvinnherad

Naturen i Kvinnherad er eigentleg samansett av ein del Sunnhordland og ein del Hardanger. Sør i kommunen finn du det typiske Sunnhordlandskapet, med frodige, furukledde øyar, små holmar og idylliske sund. Lengre inne skiftar naturen. Du finn U-dalar forma av isen, tronge fjordar, fossar og steile fjell med evig is.

 
Kvinnherad Kommune : ligg i Sunnhordland, yst i Hardangerfjorden. Kommunen grensar mot Hardanger, og vert delt i to av fjorden; Ølve/Hatlestrand i nordvest og Folgefonnhalvøya i søraust. Kommunen har hundreårgamal tradisjon med båtbyggjing som framleis er ein viktig leveveg her, i tillegg til jordbruk, aliminiumsindustri og reiseliv.

 

 

 

Klikk på kartet for fotturar!

Kjøp turarka her.

 

  webmaster@carwalks.com