Bilvandring er eit nytt og spennande omgrep og tilbod til dei som vil ha ein meir innhaldsrik tur og større naturoppleving enn berre utsikta frå bilen. Som vil kombinera bilturen med godt tilrettelagte, merka, passeleg lange og interessante fotturar.

Ved hjelp av spesielle turark med kartskisser og informative tekstar for både bilturane og fotturane, kan du på ein enkel måte finna fram. På turarket for bilturen (rundturane) er utgangspunktet for fotturane merka av. Fotturane startar og endar der ein kan parkera bilen., og turane tar frå 1 til 3 timar med normal gange. Rutene er godt merka, og saman med kartskissa og teksten på turarket er det lett å finna vegen.

Kjøp Turarka:

Her finner du informasjon om hvor du får kjøpt turaka.

Osterfjord er det næraste fjordområde til Bergen, og er gjort lett tilgjengeleg ved nye vegar og bruer. Heile området har ein unik natur, frå tronge fjordar til store fjellområder. Du kan oppleva den særmerkte Mosterstraumen i eit dramatisk fjordlandskap og vandra fredfylt i variert natur. Osterøy er den største innlandsøya i Nord-Europa, i dag gjort "landfast" ved Osterøybrua.

  Modalen kommune - den nest minste i Noreg, med eit folketal på ca. 340. Naturressursar er det rikeleg av. Her kan du vandra i gamalt kulturlandskap og sjå korleis livet til fjells og stølsdrifta var i gamle dagar. Sandgruvedrift og jordbruk har vore og er dei viktigaste næringsvegane i kommunen og kraftutbygginga er svært viktig for kommuneøkonomien. Frå Modalen blir det eksportert lys og varme nok til å dekkja 10% av straumforbruket i Bergen.

Klikk på kartet for Rundturar og Fotturar!
 

Osterøy kommune - folketal ca. 7000. Osterøy er den største innlandsøya i Nord-Europa, omkransa av Osterfjorden og Sørfjorden/Veafjorden. På Osterøy finn du ein eineståande småindustri og rike handverks-tradisjonar. Jordbruket er også viktig som næringsveg. Osterøy er Ole Bull sitt barndomsrike. Her opplevde den store tonekunstnaren rike spelemannstradisjonar som prega han som kunstnar.

Klikk på kartet for Rundturar og Fotturar!
 

Vaksdal kommune - grensar til Modalen, Bergen, Voss, Kvam, Osterøy og Samnanger. Kommunen har ein variert og rik natur, med store fjellområde som endar opp inne i Stølsheimen og Bergsdalsfjella. Jordbruket er ein viktig næring, men Vaksdal er først og fremst industrikommune. Her starta utbygginga av fossefalla og industrireisinga på slutten av forrige hundreåret. 30% av krafta til BKK vert produsert i Vaksdal kommune.

Klikk på kartet for Rundturar og Fotturar!

webmaster@carwalks.com