Bilvandring er eit nytt og spennande omgrep og tilbod til dei som vil ha ein meir innhaldsrik tur og større naturoppleving enn berre utsikta frå bilen. Som vil kombinera bilturen med godt tilrettelagte, merka, passeleg lange og interessante fotturar.

Ved hjelp av spesielle turark med kartskisser og informative tekstar for både bilturane og fotturane, kan du på ein enkel måte finna fram. På turarket for bilturen (rundturane) er utgangspunktet for fotturane merka av. Fotturane startar og endar der ein kan parkera bilen., og turane tar frå 1 til 3 timar med normal gange. Rutene er godt merka, og saman med kartskissa og teksten på turarket er det lett å finna vegen.

Kjøp Turarka:

Her finner du informasjon om hvor du får kjøpt turaka.

Dei foreslåtte rundturane er basert på bruk av eigen bil. Dei vil variera av lengde og reisetid, alt etter dei geografiske tilhøva. Turane er ikkje lenger enn at dei skal kunna gjennomførast som ein rimeleg dagstur. Reisetida er sjølvsagt avhengig av tid til fotturar og andre stopp.

Fotturane: Turvegane/-stiane er lagt tilrette spesielt for dette føremålet, det vil seia for bilturistar som gjerne vil ha litt aktivitet og som vil oppleva natur og kulturlandskap på ein enkel og trygg måte. I tillegg til kartskisse og anna informasjon på turarka, er rutene godt merka. Ein går likevel på eige ansvar.

Utgangspunktet for fotturane er frå avmerka parkeringsplass. Turane varierar i lengde frå 1-3 timar. Informasjon om dette og om turens innhald og kvalitet på informasjonsarka for turane. Ca. tid turen tar, er rekna ut frå normal gange. Stopp eller rast er individuelt og vil koma i tillegg. Nyt turen, du maktar ikkje alle på ein dag.
Hordaland er delt inn i områder med nr. 1-8:  Turarka er nummerert i samsvar med dette: 10-19 i område 1 osv. Kvar tur - rundtur og fottur - har sitt eige turark. Det skal vera ein, eller fleire fotturar knytte til kvar rundtur.

Fotturane har tilsvarande nr. som rundturen, men med ein bokstav etter. Utgangspunktet for fotturane er merka av på rundturkartet. Det hender at rundturane har nokre samanfallande strekningar. Evt. fotturar på desse strekningane er markert på begge rundturane, med nr. på den tur dei eigentleg " høyrer til". I tillegg til kartskissa er det tekst som fortel om interessante ting å sjå langs ruta. På fotturen tar ein turarket med. Slik vil det gjera turen og opplevingane meir interessante.

webmaster@carwalks.com